Ilang sandali lang pagkatapos umalis nila Nanay, nilapitan ako ng tito ko at inaya akong pumasok sa loob ng bahay. Ang sabi niya'y maglalaro daw kami, manonood ng TV at kakain ng kendi. Dahil bata pa ako at tito ko naman iyon, sumama ako.
Pinapasok niya ako sa kuwarto nila ng tita ko. Pagpasok namin sa kwarto ay nakasindi na ang TV at may naka-play na betamax. Hindi ko mastadong maalala kung anong palabas iyon, pero ang natatandaan ko ay may naghahalikan na babae at lalaki. Gaya ng napag-usapan, naglabas siya ng mga chocolate, candies at may prutas pa. Naglabas din siya ng isang board game.
Naglaro kami ng Snakes and Ladders, pero hindi nagtagal, nagyaya ang tito ko na ihinto na namin ang laro, dahil naiinip daw siya. Sinabihan niya ako na panoorin yung nakasalang na betamax. Pinanood ko naman ngunit nagulat ako nung nakita kong naghuhubad na ang mga karakter sa pelikula. Hindi ako sanay nakakakita ng ganoong panoorin kaya naman napatingin ako sa tito ko.